NORDVEGEN HISTORIESENTER

Tekst Marit Synnøve Vea


I 3000 år sat fyrstar og kongar på Avaldsnes og kontrollerte skipstrafikken som blei  tvunge inn gjennom det smale Karmsundet - Nordvegen - den skipsleia som har gitt Noreg namn.                                                                                       
      

                                         		                                   
 

Foto: Jan Tore Glenjen, Stavanger Aftenblad

I Nordvegen får du også sjå inn i den magiske verda som folk ein gong trudde
var verkeleg. Du møter seidmenn, skjoldmøyar, og norrøne gudar.

   
    

I Nordvegen Historiesenter får du høyra om dei herskarane som  sat og styrte Norskekysten frå Avaldsnes.

Nokre av dei kjenner vi frå kongesagaer, heltesagaer og gamle kvad. Andre kjenner
 vi frå arkeologien.



 


AVALDSNES – STADEN FOR HISTORIER

I 998 kom Odin til Avaldsnes og fortalde historier til Olav Tryggvason.
På 1200-talet vitja Snorre staden.
På 1600-talet sat Tormod Torfæus her og skreiv den
første noregshistoria på latin.

I Nordvegen Historiesenter fortel vi historier ved å
bruka verkemiddel frå vår eiga tid slik som film,
lyd, lys, figurar og gjenstandar.


   
 

Meir om Nordvegen Historiesenter:                                          
Omtale Haugeunds Avis: Skrekkelig moro

                   
 
Avaldsnes er eit av Norges viktigast nasjonalhistoriske område. Av omsyn til mellomalderkyrkja og det historiske landskapet 
er det meste av bygget gøymt under jorda. Symbolsk skal det underjoriske bygget vise til dei mange løyndommane frå fortida
som framleis ligg  skjult i jorda og i sjøen på Avaldsnes.

Frå Karmsundet ser vi fasaden av glas og betong.  Frå kyrkjeplatået  ser vi berre det runde inngangspartiet 
som skal symbolisere Mimes brønn, kunnskapens kjelde i norrøn mytologi.

GLIMT FRÅ UTSTILLINGA:                   



 







Tekst  Marit Synnøve Vea
Foto: Karl Johan Gundersen, Marit S. Vea, Hybris film, Six Sides